Чын күңелдән һәммәгезне дә Бөек Җиңү бәйрәме белән тәбрик итәбез, дуслар! 9 - Май - ул өлкән буынның тиңдәшсез фидакарьлек һәм батырлыклары аша яулап алынган, үтә дә кыйммәткә төшкән, яшь һәм сагыш аралаш бәйрәм ителә торган иң кадерле бәйрәмебез! Без, хәзерге буын, Бөек Җиңү көнен якынайткан каһарман ватандашларыбызны, әби-бабаларыбызны һәрвакыт  истә тотарга, алар турындагы истәлекләрне киләчәк буыннарга тапшырырлык итеп, тарих битләрен тирәнтен өйрәнергә тиешбез! Балаларыбыз һәм оныкларыбыз сугыш фаҗигасен кабат беркайчан да күрмәсен, әниләр улларын югалту кайгысыннан күз яшьләре түкмәсен, күкләребез һәрвакыт аяз булсын иде! Сезнең һәркайсыгызга исәнлек, озын гомер, гаиләләрегезгә иминлек һәм җиребезгә тынычлык телибез!