Балалар бакчасының еллык планы нигезендә "Көзге байлыклар" исемендә төрле яшелчә һәм җиләк-җимешләрдән ясалган эшләнмәләр күргәзмәсе оештырылды. Бу күргәзмәне үткәрүнең максаты булыт әти-әниләр һәм балаларның уртак эшчәнлеге, балаларны матурлыкка өндәү, көз айларының кеше тормышы өчен мөһимлеген аңлату тора. Үз көчләрен һәм вакытларын кызганмый әлеге күргәзмәдә катнашкан барлык әти-әниләргә дә рәхмәтебезне белдерәбез. Балаларыбызны тәрбияләү эшендә бердәм булуыбыз бик мөһим.

Бүген безнең балалар бакчасы тәрбиячеләре "Добрая Казань" дип аталаган хәйрия ярминкәсендә катнаштылар. Әти-әниләр, балалар һәм педагоглар кулы белән ясалаган эшләнмәләрне сатып авыру балаларга ярдәм итү өчен акча җыйдылар. "Яхшылык җирдә ятмый"  ди халык. Чын күңелдән кылган гамәлләребез изгелек булып кабул ителсен иде.

Бүген  “2017-2018 нче уку елының максатлары. ФББС на нигезләнеп балаларны укыту һәм тәрбияләү процессын оештыру”

 “Балаларның яшь үзенчәлекләре” дигән темаларга әти-әниләр җыелышы үткәрелде. Җыелыш кысаларында грипп, ОРВИ профилактикасы, балаларны вакциналау мәсьәләләре хакында да сүз алып барылды.

Бүген безнең бакчабызда зур бәйрәм - Белем көне! Күңелле уеннар, җырлар, биюләр, ярышлар ярдәмендә әлеге бәйрәм тиешле дәрәҗәдә үткәреп җибәрелде. Бәйрәмнең кунаклары  Белмәмеш белән Кирлемән балаларның күңеленә бигрәк тә хуш килде.

Балалар бакчасы коллективын һәм зур тырышлык күрсәткән әти-әниләрне "Иң шәп уен мәйданчыгы" конкурсының шәһәр турында 3 урын алуыбыз белән тәбрик итәбез. Шулай ук бу җиңүебезне ныгытып  Киров һәм Мәскәү районының җитәкчесе Миронов Сергей Александрович мактау грамотасы белән бүләкләде. Балалар бакчабызның шәһәребезнең алдынгы бакчалары  рәтендә торуы белән горурланабыз. Моның өчен көч керткән барлык кешеләргә дә зур рәхмәтебезне белдерәбез. Без булдырабыз! Бердәмлектә көчебез!

Безнең балалар бакчасы "Иң шәп уен мәйданчыгы" конкурсының район турында катнашты. Жюри әгъзалары тарафыннан конкурска әзерлек югары дәрәҗәдә дип бәяләнелде. Конкурска әзерлек эшендә актив катнашкан барлык кешеләргә дә зур рәхмәтебезне белдерәбез.

Безнең балалар бакчасы коллективы "Чәчәк атучы Казан" конкурсында катнаша. Әлеге конкурс шәһәр җитәкчеләре тарафыннан Казаныбызны бизәү,  яшелләндерү, матурлау максатыннан уздырыла. 

Балалар бакчасында балаларның уйнау, танып-белү һәм хәрәкәтләнү активлыгын үстерү максатыннан оештырылган мәйданчыклар конкурсына бик зур әзерлек бара. 

В целях создания условий для организации игровой, познавательно-исследовательской и двигательной активности детей в детском саду идёт активная подготовка к смотр-конкурсу "Игровая площадка - территория оздоровления, воспитания, развития".

Бүген бездә Сабантуй -

Эшләреңнең барын куй!

Тизрәк йөгер мәйданга,

Бәйрәм башлана анда.

Күңелле Сабан туйлары,

Бүген бәйрәм, зур бәйрәм.

Матур җырлар җырлый-җырлый

Уйныйбыз әйлән-бәйлән.