6 нчы март көнне мәктәп күләмендә “Ягез әле, егетләр, кызлар” исемле зур бәйрәм кичәсе үтте. Кичәдә кызлар һәм егетләр командасы көч сынашты. “Горячие сердца” исеме астында егетләр, “Кызлар –йолдызлар” исеме астында кызлар үз көчләрен күрсәттеләр. Командалар “Таныш булыйк” уенында, мода күрсәтүдә, җырга клип төшерүдә, сорауларга җавап бирү, чәчәк рәсеме ясау, курчак төрү, кадак кагу һәм башка уеннарда сыналдылар. Дәүләтов Камилнең , Гәрәева Таңсылуның җырлары  укытучылар өчен дә, әти –әниләр өчен дә бәйрәм сәламе булып яңгырады. Уен барышында залдагы экранда мәктәп тормышыннан презентацияләр күрсәтерле. Алдан ук сыйныф малайлары кызларга үзләренең котлауларын юллаганнар иде. Аларның экран аша котлаулары кызларга сюрприз булды. Жюри әгъзалары бик таләпчән булды. Чөнки жюри составында мәктәп директоры Флүрә Ярулловна да бар иде. Ул һәрбер уенга үзенең нәтиҗәсен чыгарып барды, үз  фикерләрен әйтте. Бәйрәм кичәсе егетләре җиңүе белән, дуслыкның ныклыгы белән тәмамланды.