Шимбә, 25 нче февраль көнне мәктәп каршында оештырылган боз мәйданчыгында Яр Чаллы шәһәренең “ХК ЧЕЛНЫ” командасының 2003 нче елгы   уенчылары белән безнең “Тәкермән” командасы хоккей уены буенча көч сынашты. Әлеге бәйрәмдә Минзәлә шәһәренең район хакимияте башлыгы урынбасары А.П.Беспалов та катнашты, уенчыларны һәм тамашачыларны әлеге зур бәйрәм белән котлады.Уен барышында ике команданың да көче сизелде. Җанатарлар әлбәттә, “Тәкермән” командасы өчен көч бирделәр. Ләкин Чаллы шәһәреннән килгән уенчыларыбыз көчлерәк булып чыктылар. Алар 8:12 исәбе белән оттылар.Бәйрәм ахырында кунаклар шашлык белән, кайнар аш белән сыйландылар. Бәйрәмннән балалар белән килгән Чаллы командасының ата –аналары да , уенчылар үзләре дә ,тамашачылар да канәгать булып киттеләр. Әлеге чараны 8 нче март бәйрәме уңаеннан да оештырырга дигән нәтиҗә чыгардылар. Бәйрәмне оештыруда үзләреннән күп көч керткән “Вамин- Тәкермән” агрофирмасы җитәкчесе Мәүҗиев Илфакка, авыл рәисе җитәкчесе Шәрипов Фәриткә, мәктәпнең физкультура укытучысы Мухамадеев Илшатка үзләренең рәхмәтләрен белдерделәр.