Югары Тәкермән төп гомуми белем бирү мәктәбе.

Мәктәпнең укыту- тәрбия планы нигезендә февраль аенда патриотик тәрбия айлыгы үткәрелде.

Максат: укыту – тәрбия эшендә патриотик тәрбия бирә торган чараларның ролен билгеләү;

Айлык барышында түбәндәге эшләр башкарылды.

 Башлангыч сыйныф укучылары арасында үткәрелгән хоккей уены ярышы  әлеге айлык кысаларында үткәрелде. Шулай ук 1-4 нче сыйныф укучылары һәм аларның әтиләре катнашында үткән “Әти һәм мин – спорт гаиләсе” бәйгесе, “Җыр өйрәтте мине хөр яшәргә” исемле тәрбия сәгате, “Минем әти –солдат” исемле сочинение конкурсы үтте.

Урта классларда түбәндәге чаралар үтте:

5 нче сыйныфта герой – шагыйрь Муса Җәлилнең тормыш юлына багышланган тәрбия сәгате;

6 нчы сыйныфта “Тыңла, яшь буын һәлак булган батырлар сөйли!” исемле патриотик дәрес;

7 нче сыйныфта “Муса Җәлил Минзәләдә” исемле класс сәгате;

8 нче сыйныфта “Мин әтием белән горурланам!” тәрбия дәресе;

9 нчы сыйныфта “Ватан алдында бурыч” исемле түгәрәк өстәлләр үтте.

1- 9 нчы сыйныфлар арасында Муса Җәлил шигырьләрен сәнгатьле укучылар бәйгесендә Дәүләтов Камил һәм Шәрәфетдинова Люзияләр җиңеп чыкты һәм районда үткәрелгән бәйгедә катнашты.

Айлык кысалырында 5 -9 нчы сыйныф укучылары арасында “Аҗаган” уены үтте. Уен барышында укучылар командалар сәламләве,рапорт тапшыру, штабларда сорауларга җавап эзләү, окоп казу,противогаз киеп йөгерү, кардан шуышу, байрак эзләү,чаңгыда узышу, яралыга беренче ярдәм күрсәтү,граната ату, ераклыкка сикерү,яралыны носилка белән күчерү һәм башка төр уеннар оештырылды