Новости школы.

Уеннар – милләтнең бай рухи хәзинәсе ул. Алар милләт, җәмгыять үсеше процессларындагы яшәү рәвешләрен, социаль , иҗтимагый күренешләрне һәм ерак заманнарда яшәгән бабаларыбызның дөньяга карашын, тормыш-көнкүрешен үзләренә “сеңдереп”, саклап килгәннәр. Шуның өчен уеннар милләтнең этник тарихын өйрәнүдә кыйммәтле чыганак булып хезмәт итәләр.Шуныңөчен без татар халкының барлык төр йолаларында (календарь һәм көнкүреш йолаларында) чагылыш тапкан, йолаларның «төзү материалы» булган уен-тамаша элементларын да читтә калдыра алмыйбыз. Уен бию,җырларның күпкенә очракларда алыштыргысыз тәрбияви чара булуын да истән чыгармыйк. «Ана сөте белән керә торган» тәрбиянең, халык педагогикасының нигезендә нәкъ менә шулар ята, чөнки бер буыннан икенчесенә билгеле бер идеяләрне, үз-үзеңне тоту, хис-тойгы һ. б. нормаларын тапшыру шуна нигезләнә. Эш шунда, ул уеннарда халыкның олысы-кечесе актив катнаша. Безнең мәктәпнең башлангыч сыйныф укучылары да 8 Март – әниләр бәйрәмен түгәрәк уен формасында үткәрделәр. Халкыбыз ,әби-бабаларыбыз уйнаган уен,җыр ,биюләрен искә тошереп, татар халкының җырлы-биюле уеннары уйналды.Бәйрәмгә килгән әниләр уеннарда һәм биюләрдә ( "Йөзек салыш", "Чума үрдәк чума каз", "Күз кысышлы", "Кәрия Зәкәрия", "Түбәтәйле", "Капкалы" )бик актив катнаштылар.