Бүген Урыс авылында Россия Федерациясе программасына нигезләнеп төзелгән спорт мәйданчыгы ачылды.Ул балалар һәм яшьләр өчен генә түгел, урта һәм өлкән буыннарга да спорт белән шөгыльләнеп, сәламәтлеген ныгыту мөмкинлеге бирә.Ә сәламәтлек бүгенге көндә иң мөһиме.Әлеге программаны үткәргән Татарстан Республикасы җитәкчелегенә, тормышка ашырган Минзәлә районы җитәкчелегенә, безнең җирлеккә кирәклеген раслаган Урыс җирле үзидарә башлыгына ата- аналар, балалар, укытучылар, авыл халкы исеменнән рәхмәт белдерәбез .
Балаларның куанычы чиксез иде.Мәктәпнең дружина активистлары, Юнармия," Замана баласы" профилактик отрядлары , шахматчылар мәктәбе чыгышлары бик кызыклы булды.
Футбол командасы беренче голга кадәр уен күрсәтте.Уенда спорт һәм яшьләр бүлеге җитәкчесе Хизбуллин Ф.Ш.,боз сарае җитәкчесе ГыйләжетдиновХ.Х. , Урыс җирле үзидарә башлыгы Маулин Ф.М.катнашты.Җитәкчеләребез бүләккә футбол, волейбол , баскетбол туплары, чаңгы таяклары бүләк иттеләр.Авыл җирлеге башлыгы тарафыннан мәктәпнең спорт юнәлешендә җиңүче булган һәм актив катнашкан 17 укучыга мактау кәгазьләре, кыйммәтле бүләкләр тапшырылды.
Вируслы чорда уку елы башыннан бүгенге көнгә кадәр бер дәрес тә калдырмаучы 7 укучыга истәлек бүләкләре тапшырылды.
Аннан клуб мөдирләре оештырган" Кызыклы старт "уены булды.