Казанда Г.Тукай исемендәге татар дәүләт театрында “ТАТАР СҮЗЕ” V нче Халыкара нәфис сүз телевизион бәйгесенә йомгак ясалды. Бәйге Татарстан Республикасы Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе, “Татарстан-Яңа гасыр” телерадиокомпаниясе ярдәме белән уздырылды. Бәйгенең максаты - татар телен, әдәби мирасыбызны пропагандалау, үстерү һәм саклау; татар классик язучыларының әсәрләрен популярлаштыру, татар әдәбиятына һәм мәдәниятенә кызыксыну уяту.

  Катнашучыларның эшләре 3 яшь категориясендә бәяләнде. Барлыгы 4500 эш тапшырылган һәм катнашучыларның 38-е җиңүче дип танылган.  Гимназиянең 7 нче сыйныф укучысы Иванов Искәндәр,  8-13 яшьлек катнашучылар арасында “Шигърият” номинациясендә Зиннур Насыйбуллинның “Татар теле” әсәрен яттан сөйләп,  җиңүче булды. Аңа “ТАТАР СҮЗЕ” бәйгесенең 2 дәрәҗә дипломы һәм 45 меңлек сертификат тапшырылды. Искәндәрне зур җиңүе белән котлыйбыз һәм киләчәктә дә уңышлар телибез!!!