Бүген гимназиябезнең 7 сыйныф укучылары Үзәк китапханә оештырган "Ялкын" журналы редакциясе хезмәткәрләре белән очрашуда булдылар. Җанлы әңгәмә журнал тарихы, журналның бүгенгесе һәм киләчәге турында булды. Очрашуда гимназиянең "Яшьлек" газетасы мөхәррире , "Сәләт" клубы әгъзалары, "Сәяр" театр студиясе актерлары һәм нәфис сүз буенча Халыкара конкурслар җиңүчесе Иванов Искәндәр чыгыш ясады. Журналның редакторы Илназ Фазуллин һәм корреспондентлары Илүзә Касыймова, Илсөяр Маликова укучыларның эшчәнлеген бәяләделәр, әдәби иҗат, рәсем сәнгате, журналистика буенча эшләрен көтеп калуларын әйттеләр. Укучылар үзләрен кызыксындырган сорауларга җавап алдылар. Бик җылы, күңелле очрашу булды. Гимназиягә җәйге лагерь чорында килергә теләк тә белдерделәр кунаклар.