Бу атнада гимназиядә Экология атналыгы узды. Атналык кысаларында биология һәм химия укытучысы Камалова Л.Р. "Яшел магия" дип аталган халыкара экология уены оештырды, эш тәҗрибәсеннән чыгып, ачык дәресләр дә үткәрде. Ә иң кызыклысы - укытучы тарафыннан ел саен башлангыч сыйныфлар өчен оештырыла торган "Тылсымлы химия" очрашуы. Анда балалар химия ярдәмендә үткәрелә торган төрле тәҗрибәләр карадылар, бик канәгать калдылар.