Без егерменче гасырда Тукай белән яшәдек, егерме беренче гасырда да аның белән атлап барабыз. Бүген "Менделеев токымнары" химия-технология лицеенда бөек шагыйребезнең тууына 138 ел тулуга багышланган "Тукай мирасы" район нәфис сүз башкаручылар бәйгесе узды. Бу зур бәйрәмгә мәктәпкәчә учреждениеләрдә тәрбияләнүче балалар, мәктәп укучылары һәм укытучылары бик тырышып әзерләнделәр. Йомгаклау кичәсенә мәртәбәле жюри тарафыннан сайлап алу турында катнашкан 85 укучының 42 се сайлап алынды. Бүгенге шигырь бәйрәмендә 21 нәфис сүз сөйләүче 1 нче урынга, 13 укучы  2 нче урынга, 5 укучы  3 нче дәрәҗәдәге дипломнарга иреште. Гран-прига химия-технология лицееның 9 нчы сыйныфы укучысы Гайфуллина Камилла Әлфис кызы лаек булды. Бүгенге җылы, матур бәйрәм катнашучылар күңелендә тирән эз калдырды. Вакыт безне 1913 нче елның апреленнән ераклаштыра барса да, Габдулла Тукай һәм ул тудырган үлемсез әсәрләр һәрвакыт милләтнең бәгырендә.