Гимназиябез укучылары «Табигать язмышы безнең кулларда» дигән тема кысаларында җимеш агачлары,җиләк-җимеш куаклары утырту эшен дәвам итәләр.Ахунҗанов Камил гаиләсендә алмагач утыртуга атна буе әзерләнделәр.Бергәләп алмагач утырту өчен кирәкле әйберләр әзер. Билгеләнгән җиргә чокыр казып,алмагач утырттылар,су сиптеләр. Г.Тукайның «И сабыйлар, эшләгез сез, иң мөкатдәс нәрсә эш» дигән шигырь юллары Камилнең бүгенге эшенә бик тә туры килеп тора. Чөнки агач утырту — ул табигатькә ярдәм итү генә түгел, ә киләчәк буыннар өчен изге мирас калдыру. Тукай әйткәнчә, иң кадерле гамәл — хезмәт. Ә хезмәт иткән саен, кешенең йөзендә нур, күңелендә шатлык уяна. Шуңа күрә ,бүген алар алмагач утырту белән бергә Тукайның мәңгелек сүзләрен дә чынбарлыкка ашыралар.