4 нче октябрьда мәктәбебездә "Укытучылар көне" билгеләп үтелде. Укучыларыбыз укытучылар һәм  ветеран укытучылар хөрмәтенә бәйрәм концерты күрсәттеләр. Бәйрәм мул табын артында дәвам итте.

Хөрмәтле укытучылар! Сезне һөнәри бәйрәмегез белән котлыйбыз! Уңышларыгызга сөенеп, бәхет хисе кичереп яшәргә язсын сезгә. Сау-сәламәт булыгыз.

 Бәйрәм белән сине, укытучым,

Йөрәгемнең якын кешесе!

Дөнья серен миңа өйрәтүче,

Яшь җаннарга - ходай илчесе!

Участок инспекторы Сафиуллин Зиннур Зиннатулович терроризм һәм экстремизм очракларыннан саклану хакында укучылар белән әңгәмә уздырды, шулай ук юл йөрүдә  куркынычсызлык кагыйдәләрен үтәргә  кирәклеген кисәтте.

Район күләмендә "Өмет стартлары" кысаларында үткәрелгән җиңел атлетика ярышында 9 нчы сыйныф укучысы Сөнгатуллина Алсу 200 м га йөгерүдә 3 нче урынны, ә 800м га йөгерүдә 2 нче урынны яулады. 

Конкурсның соңгы, өченче этабы башланды. Иң күп тавыш җыйган ун шәһәр арасыннан ике җиңүчене сайлап алырга туры киләчәк.
Исегезгә төшерәбез, Россия Үзәк Банкының яңа купюралар чыгарачагы турында быелның апрель аенда билгеле булды. Яңа банкнотлар 2017 ел ахырында кулланышка керергә тиеш. Россия Үзәк банкы, яңа акчага илнең кайсы шәһәрләрен сурәтләргә кирәклеген халык үзе хәл итәчәк, дип конкурс игълан иткән иде. Казан, ике этапны уңышны үтеп, инде финалга килеп җитте. Күп калмады, әмма көрәшнең дә иң кызу өлешенә чыктык.  Бүген  бердәм  тавыш  бирү  көне  үткәрелде.

19 сентябрьданукучыларның Бөтенроссия  мәктәп туры олимпиадалары башланды

Бүген мәктәбебездә Бердәм мәдәни дәрес узды. Шул уңайдан башлангыч сыйныф укучылары белән туган якның һәм республикабызның мәдәни традицияләре хакында әңгәмә үткәрелде. Балаларга "Мәдәни көндәлек"ләр тапшырылды. Тәрбия эшләре буенча директор урынбасары Газизова М.Н. һәм башлангыч сыйныф укытучылары Хоснуллина Р.Г, Хадиуллина Э.З. укучыларны әлеге проект кысаларында узачак конкурсларда катнашырга чакырдылар.

Безнең мәктәп Татарстан Республикасы тәкъдим иткән Казан шәҺәре символлары өчен тавыш бирүдә автив катнашты.

Башлангыч сыйныф укучылары "Гаилә бәйрәме" уңаеннан үткәрелгән музыкаль кичәдә үз осталыкларын күрсәттеләр.