Ученица 7 класса Мугтасимова Зиля заняла 1 место в республиканском конкурсе "Твой первый шаг в медицину". Организаторы конкурса- КГМУ, МОиНРТ, Министерство здравоохранения.

Бүген мәдәният йортында мәктәп укучылары катнашында заманча үзгәртелгән "Таяну ноктасы" тамашасы булып узды. Чыгыш килгән кунакларга бик ошады.

Мәдәният йортында мәктәп коллективы "Шушы яктан, шушы туфрактан без" дип исемләнгән концерт куйды. Укытучылар һәм укучылар тарафыннан әзерләнгән чыгышны тамашачылар бик яратып кабул иттеләр, үзләренең рәхмәтләрен җиткерделәр. Бу кичнең җылысы күңелләрдә озак сакланыр.

Мәктәбебездә Ватанны саклаучылар көненә багышланган чаралар узды. Укучы егетләребез катнашында "Әйдәгез, егетләр!" бәйгесе , "Аҗаган " уены барыбызның да күңеленә хуш килде.

Мәгариф хезмәткәрләре спартакиадасының зона ярышында районыбыз хоккей командасы I урынны яулады. Бу җиңүдә мәктәбебез директоры Ярмиев Наил Габделбаровичның да өлеше бар.

Район күләмендә үткәрелгән "Мамадыш йолдызлар кабыза" тамаша - бәйгесендә мәктәбебез укытучылары һәм укучылары актив катнаштылар һәм I турда җиңүгә ирештеләр.

   Мәктәбебезнең 9 нчы сыйныф укучылары шәһәребездәге политехник көллияттә булып кайтты. Монда алар авыл хуҗалыгы механизациясе, автотранспортка техник күзәтү үткәрү һәм ремонтлау, икътисад һәм бухгалтерлык исәбе, җәмагать туклануы белгечлекләренең нечкәлекләре белән таныштылар. Әлеге белгечлекләрдән тыш эшче һөнәрләр дә әзерләп чыгара бу көллият, болар: автомеханик, эретеп ябыштыручы, пешекче кондитер, төзелеш мастерлары, электромонтер.
 Район күләмендә оештырылган экскурсия балаларның күңеленә бик хуш килде.