Шәһәр стадион-ипподроиында мөмкинлекләре чикләнгән кешеләр арасында чаңгы ярышы үтте. Иң җитез егет Урта Кирмән урта гомуми белем мәктәбенең 8 нче класс укучысы Гарифуллин Нияз дип табылды. Ул Түбән Кама шәһәрендә узачак республика турына район данын яклап катнашачак. Уңышлар сиңа ,Нияз!  

Татар теле олимпиадасының республика турында  Урта Кирмән урта мәктәбенең 11 нче класс укучысы Насибуллина Илүзә катнашты.  

Россия чаңгы юллары- 2015. Мәктәп күләмендә уздырылды.

Район башлыгы белән очрашу 6 нчы февраль көнне район  мәдәният йортында узды. Урта Кирмән урта мәктәбен тәмамлаган, бүгенге көндә республиканың төрле уку йортларында белем алучы 13 студент әлеге чарада катнашты. 

11 нче класс укучысы Шайдуллина Эльза физкультура буенча республика олимпиадасында катнашыт.

29-30 нчы гыйнвар көннәрендә Урта Кирмән мәктәбендә гомуми ата аналар җыелышлары узды. Мәктәп директоры Ибрагимов И.М. мәктәпнең уңышлары, укыту-тәрбия эшләре буенча директор урынбасары Искандарова Г.В.  дәүләт имтиханнарына әзерлек һәм яңалыклар, тәрбия эшләре буенча директор урынбасары Марданов Р.А. укучыларның туклануын яхшырту хакында; авыл медицина хезмәткәре Галиева Э.И. тычкан авыруына каршы профилактика чаралары хакында сөйләде.

22 гыйнвар көнне Урта Кирмән урта гомуми белем мәктәбе базасында районкүләмендә уздырылучы баскетбол ярышының зона туры үтте. Урта Кирмән мәктәбеннән кызлар командасы-1 нче урын , егетләр командасы- 2 нче урынны яуладылар. Кызлар командасы 24 нче гыйнвар көнне район турында катнашачаклар. Кызларга уңышлар телибез.

"Өмет старты" кысаларында чаңгы ярышлары уздырылды. Мәктәп командасы 7 нче урынны яулады.

15 гыйнвар көнне район мәдәният йортында "Шигъри бәйрәм" уздырылды. Әлеге бәйрәм якташыбыз Ш.Маннур тууга 110 ел уңаеннан уздырылды. Бәйрәмдә мәктәбебезнең 6-7 нче класс укучылары да чыгыш ясады. Алар Ш.Маннурның "Тавык кошмы, әллә юкмы?" дип исемләнгән шигырен сәхнәләштерделәр.

Башлангыч класс укучылары үз куллары белән "Оча торган елан" ясадылар.