Безнең Шәдче мәктәбендә  бик күңелле генә “Әлифба бәйрәме” узды. Бәйрәмгә әти-әниләр чакырылды. Укучылар шигырьләр, җырлар, биюләр өйрәнгәннәр. Үзләренең җыр-биюгә, нәфис сүзгә сәләтле булуыннан тыш, татар, рус телләрендә иркен аралашуларын да күрсәттеләр. Әлифба белән беррәттән укучылар укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнгәннәр. Котлау сүзләре белән уку-укыту эшләре буенча директор урынбасары Шрыкова Г.И., тәрбия эшләре буенча директор урынбасары Хайдарова Г.Р., 3 класс җитәкчесе Сазаева С.В., һәм инде 1 класс җитәкчесе Сафина Г.Н. котладылар. Матур бәйрәмне оештырган Сафина Г.Н. һәм 3 класс балаларына, 1 класс укучылары әти әниләренә бик зур рәхмәтебезне җиткерәсебез килә. Аларны бәйрәмнәре белән котлап, киләчәктә дә тырышып укып, яңа уңышларга ирешүләрен теләп калабыз.