Яңа ел-барыбыз өчен дә иң яраткан, мөгъҗизалы, сихри бәйрәм. Тик яңа ел могҗизасын тылсымлы үзгәрешләр һәм кызыклы маҗараларны балалар кебек башка беркемдә көтми. Һәр мәктәптә Яңа елны үткәрү традициясе бар һәм безнең мәктәптә бу традиөияне саклый. Төп максат булып бәйрәм атмосферасы тудыру, балаларның күңелен ачу, балаларның иҗади сәләтләрен ачу тора.

25 нче декабрь көнне 1-7 нче сыйныф укучылары арасында "Могъҗизалар вакыты" дип исемләнгән Яңа ел бәйрәме үткәрелде. 26  декабрь көнне 8-11 сыйныф укучылары өчен "Бу сихри Яңа ел" дип исемләнгән бал маскарад уздырылды. Балалар тамаша карарга бик матур киенеп, күтәренке күңел белән, әзерләнеп килделәр. Һәм аларның өметләре акланды. Яңа ел тамашасында катнашкан укучылар үзләрен яхшы артистлар икәнлеген расладылар, иҗади осталыкларын, дәрт һәм оештыру сәләтен күрсәттеләр. Балалар бәйрәм атмосферасына чумдылар, кызыклы конкурсларда катнаштылар. Кыш Бабай килү белән бәйрәм тагын да җанланып китте, чыршы тирәли әйлән-бәйлән башланды. Тамашадан соң балалар Кыш Бабай һәм Кар Кызына шигырьләр сөйләделәр, персонажлар белән фотога төштеләр, яңа ел бүләкләре алдылар.

Шулай ук безнең мәктәп укучылары төрле конкурсларда катнашкан өчен призлар белән бүләкләнде. Бәйрәм бик күңелле узды, ата-аналар яңа ел тамашасын оештыручыларга һәм катнашучыларга яхшы кәеф өчен рәхмәт белдерделәр.