Сәламәт яшәү рәвеше – ул уңышлы киләчәк һәм һәм бәхетле сәламәт ныклы гаилә. Аек яшәү рәвеше һәр яхшы нәрсәгә – фундамент. Ә начар гадәтләр белән яшәү ул бәхетсезлек .

Ислам дине  соң начар гадәтләр турында нәрсә ди ?  Пәйгамбәребез Мөхәммәд (с.г.в) әйткән: “Аракыны ясаучы, сатучы, сатып алучы һәм эчүче кешеләр каргалганнар!”. Димәк, шушы кешеләрне Аллаһы Тәгалә, фәрештәләр һәм Пәйгамбәр үзе каргый. Икенче хәдистә пәйгамбәребез әйтә: “Хәмер (аракы) - бөтен гөнаһларның  анасы!” -ди. Аракы эчкән кеше ул җүләр, аның акылы да, иманы да аннан чыгып китә. Ул теләсә нинди гөнаһны эшләргә булдыра. Күпме үтерешләр, күпме җинаятьләр, күпме аварияләр, күпме аерылышулар шул аракы аркасында. Өченче хәдистә әйтелгән” “Күп күләмдә исертә торган эчемлекнең, сезгә әз күләмен дә тыям” диелгән. Димәк, аракы хәрам, һәм аны эчәргә ярамый. Аракы эчкән кеше имансыз килеш үлеп китә . Аллаһ сакласын! Коръәндә әйтелгән: “Аракыдан, азартлы уеннардан ерак булыгыз, алар шәйтан эшләре... Ул сезгә начарлык тели” диелгән. Мөселман кешесе аракы эчәргә тиеш түгел, димәк. Тәмәкегә килгәндә, ул да галимнәр тарафыннан дәлилле рәвештә хәрам диеп әйтелә.(Лектор Ильяс Хабибуллин)