Безнең төп бурычыбыз  балаларны рухи яктан бай, физик яктан сәламәт итеп үстерү. Алар төрле юллар белән тормышка ашырыла. Ә шулар арасында иң  әһәмиятлесе - уеннар. Уен - ул бала эшчәнлегенең, тормышының аерылгысыз өлеше. Алар - балаларны уйланырга, эзләнергә, фикер тупларга, берләштерергә, күнекмәләрне, гадәтләрне тормышта кулланырга өйрәтүче һәм тәрбия бирүче көчле чараларның берсе. Шул максатны күздә тотып безнең мәктәбебездә дә атна дәвамында татар халык уеннары “Түбәтәй”, “Коймаклар”, “Капкалы”, “Мәче белән тычкан”, “Кәрия Зәкәрия”, “Очты, очты, очты...” кебек уеннар уйнатылды. Укучылар һәм укытучылар уеннарда теләп катнаштылар. Татар халык уеннары, йолалары искә төшерелеп ныгытылды.