Табигатьнең кышкы йокысыннан арынган бер мәлдә, апрель аенда, Тукаебыз дөньяга килгән. Г.Тукай - татар халкының йөрәге ярасы, тиңсез таланты, милли горурлыгы, йөз аклыгы һәм дә ки аның гасырлар дәвамында янар йолдызы. Быел аңа 130 ел, шуңа да апрель – Тукай ае булып санала. Әлеге изге гыйбарәне истә тотып, безнең мәктәбебездә дә апрель ае – “Татар теле айлыгы” дип билгеләнә. Шул кысаларга туры китереп бу атнада шагыйребез иҗаты җентекләп өйрәнелә. Бүген Г.Тукайны искә алып, укучыларыбыз аның иҗаты буенча презентация һәм  мультфильмнар карадылар, рәсемнәр ясадылар.  Алар Тукайның авыр бала чагын, тормыш юлын тагын бер тапкыр искә төшерделәр, әңгәмәдә катнаштылар,  шигырьләр сөйләделәр.  Шул чаралар аша укучыларыбызТукайның иҗат җимешләрен кече яшьтән үк сеңдереп, аның иҗаты аша туган илгә мәхәббәт, хезмәт сөючәнлек, җаваплылык, тирә-юньдәгеләргә мәрхәмәтлелек, шәфкатьлелек хисләрен сакларга өйрәнә.