Мәктәбебездә  татар теле айлыгы бара.  Бу атнада айлык кысаларына туры китереп татар халык мәкальләре көне үтте. « Мәкаль » сүзе безгә гарәпчәдән кергән. Аның мәгънәсе урынлы сүз яки тиешле урында әйтелгән акыллы сүз була.   « Мәкаль  җыймыйм – акыл җыям», « Мәкаль  – сүзнең җиләге» кебек гыйбәрәләр бар.
      «Үткәнен белмәгәннең киләчәге юк», - ди халык мәкале.  Ә халык әйтсә хак әйтә. Бүгенге  көндә үсеп килүче яшь буынны халкыбызның традицияләре үрнәгендә тәрбияләү – мөһим бурычларның берсе. Балага милли гореф-гадәтләр, милли традицияләр никадәр иртәрәк бирелсә, ул шәхес буларак шулкадәр көчле, телен, илен, милләтен сөя белүче булып үсәчәк.