Кичә 28 нче ноябрь көнне, Яр Чаллы шәһәренең 29нчы гимназиясендә Iнче төбәкара әдәби иҗат белән шөгыльләнүчеләр семинары узды. Аның максаты: татарча иҗатка сәләтле каләм тибрәтүчеләрне барлау иде. Бирегә республикабызның 12 районыннан яшь иҗат көчләре чакырылды. Шул исәптән, Мамадыш районнан 4 укучы һәм безнең мәктәбебезнең татар теле һәм әдәбияты укытучысы-Раушания Әһлулла кызы катнашты.Алар каршында семинарда Татарстан Язучылар берлеге рәисе урынбасарлары Факил Сафин белән Илсөяр Иксанова; язучы, Татарстанның атказанган сәнгать эшлеклесе Айгөл Әхмәтгалиева; шагыйрә, "Мәйдан" журналының баш мөхәррире урынбасары Лилия Гыйбадуллиналар проза, драматургия һәм поэзия мәсьәләләре буенча чыгышлар ясадылар, мастер -класслар, түгәрәк өстәлләр үткәрделәр. Чара бик мәгълүмати, кызыклы һәм югары дәрәҗәдә оештырылган иде.