Һәр елны Олыяз лицеенда Совет гаскәрләренең  әфган җиреннән чыгарылган  көненә багышланган тантаналы дружина сборы үткәрелә. Сборга әзерлек 1 ай алдан башлана.Укучылар шигырьләр, җырлар, стройда атларга өйрәнәләр.  Быел да 18 нче февральдә Хәтер көне билгеләп үтелде, сугышчы- интернационалистлар,  ветераннар рәисе, Габдерәүф Саляхиевнең әнисе - Наилә апа чакырылды.  Бәйрәм Әфган сугышында  һәлак булган авылдашыбыз Габдрәүф Сәләхиев  призына чаңгы эстафетасы белән башланып китте. Искә алу кичәсе лицей спорт залында дәвам итте. 5-11 класс укучылары марш атладылар, рапортлар бирделәр.  Хәрби бурычларын үтәгәндә һәлак булган якташларыбызны бер минутлык тынлык белән искә алдык.      11 класс егетләре  һәм килгән сугышчы-интернационалистлар Габдерәүф Саляхиев каберенә гирлянда салдылар.  Ярышларда катнашкан барлык укучыларга истәлекле бүләкләр тапшырылды. Бүләкләрне төрле елларда кайнар нокталарда хезмәт  итүчеләр  һәм җирле эшмәкәр Ситдиков Фәрит Заһит улы әзерләделәр. Җиңүче команда,11 нче класс укучыларына, күчмә кубок тапшырылды. 2 нче урынны - 7 класс, 3 нче урынны - 8 б класс укучылары яулап алды.  Әйе, Габдерәүф Саляхиевны онытырга хакыбыз юк. Безнең күңелләрдә аның якты истәлеге мәңге сакланыр.