Алдан расланган план буенча мәктәбебездә халыкара Туган тел көне билгеләп үтелде. Татар теле  укытучылары һәм укучыларыбыз алдына түбәндәге бурычлар куелды:

-       туган телнең байлыгын, матурлыгын, гүзәллеген, тапкырлыгын, фикри тирәнлеген ачып бирү;

-         каләм осталарының телебез турында әйтелгән канатлы фикерләре белән танышу;

-    тылсымлы тел дөньясына кереп, матур, дөрес сөйләргә, тапкыр әйтергә, фикерне төгәл белдерергә өйрәнү.

-  телебезгә  мәхәббәт тәрбияләү

"Хикмәтле дә, бизәкле дә, туган тел” – исеме астында стенд төзелде. Укучыларыбыз тел яңалыклары, туган телебез тарихы, төрле конкурсларның нәтиҗәләре белән танышып бардылар.

"Туган телем – иркә гөлем” исеме астында  6-8 нче сыйныфлар арасында КВН узды.

"Тел – халыкның көзгесе”, "Тел – милләтнең таныклыгы”, "Тел язмышы – милләт язмышы” темалары  буенча класс  сәгатьләләре узды.

Герой – шагыйрь Муса Җәлилгә багышлап үткәрелгән кичә дә зур әзерлек белән үтте. Шигырь сөюче укучылар Муса Җәлил шигырьләрен сөйләделәр аның сүзләренә язылган җырларны җырладылар.

   Татар теле укытучылары әзерләгән класстан тыш чара да бик кызыклы , эчтәлекле булды. ..

          21 нче февраль көнне бай һәм аһәңле туган телебезгә багышланган әдәби викторина  уздырылды , укучылар зур кызыксыну белән әлеге чарада  актив  катнаштылар.

 "Изге дә, көчле дә син, Туган тел” исеме астында үткәрелгән тематик линейка белән йомгак ясалды.