Җиңү бәйрәмендә без һәрвакыт халкыбызның дошманны җиңүгә этәргеч биргән гүзәл сыйфатларын исебезгә төшерәбез. Ул - сабырлык, кыюлык, батырлык, ныклык, Ватанга булган мәхәббәт һәм тугрылык.

Данлы көннәр, вакыйгалар һаман артта кала бара. Килер бер көн, бу сугыш тарих битләрендә генә калыр. Шуңа күрә: Исән чакта, кадерләрен белеп,

Тыңлыйк әле, тыңлыйк сүзләрен

Эшләр, сүзләр калыр,

Саклап булмас

Музейларда мәңге үзләрен.

1 май көнне Түбән Яке мәдәният йортында "Яз һәм Хезмәт " бәйрәменә багышланган концерт булды.Без балалар белән концертта катнаштык: җырладык,биедек,шигырь сөйләдек.Авыл халкына балалар бакчасының чыгышы бик ошады.

Бәйрәм тарих төсмерен саклап калып, бүген дә бөтен кешелек дөньясы өчен элеккеге кебек үк хезмәт ияләре бәйрәме, тынычлык, үзара татулык бәйрәме булып кала. Ни генә булмасын, 1 май чын-чынлап яз килүен белдерә. Нәкъ менә бу айда алмагачлар, шомыртлар ап-ак чәчкәгә күмелә. Бар җиһан гүя әкияти дөньяны хәтерләтә. Ялларыгызны табигатькә хозурланып, якыннарыгыз белән аралашып, файдалы эшләр башкарып үткәрсәгез иде.

Тукай турында шигырь язмаган татар шагыйре була алмый. Бөекләр турында язганда «кайтты», «кайталар» кебек сүзләр кулланылса, Тукай өчен бу сүзләр артык. Аның «кайтасы» юк, чөнки ул китеп тә тормады. Тукай турында сүз барганда «яшәгән», «яши», «яшәячәк» сүзләре дә артык, Тукайның һәрчак булачагы беркемдә дә шик тудырмый.
Тукай — татарның милли җаны, йөз аклыгы! Шагыйрьләр өчен югары иҗат биеклеге дә ул!

Безнең авылыбызда чишмәләр күп. Чишмәләр- барлык төр сулыкларның башлангычы, тукландыра торган чыганагы. Чишмә яшәүдән туктаса, елга күлләрдә су бетәчәк, авылда ямь калмаячак.

Тау итәген ярып чишмә типкән,

Салкын гына суы саф көмеш

Челтер- челтер итеп агып киткән,

Дөнья буйлап киткән саф килеш.

    Анда килеп намаз укыганнар

    Мосафирлар дога кылганнар.

    Чишмә башы- изге урын диеп

    Тәсбих әйтеп торган урманнар. 

Туган көннәрне без бик яратабыз!!!Бүген Әмирнең туган көне булып узды.Без аны туган көне белән котлап саф һавага чыккач "Ак калач" уйнадык.

Әмир сине чын күңелебездән котлыйбыз!Теләкләрнең иң изгеләрен телибез!Гомерлэрең бэхетле,бэхетең гомерле булсын!!хыялларын тормышка ашсын!

Балаларның сәламәтлекләрен саклау һәм ныгыту балалар бакчасында тәрбиячеләрнең төп бурычларының берсе булып тора. Ник дигәндә, без балаларны ата һәм аналарыннан кабул итеп бакчада алып калганда сау һәм сәламәт килеш кабул итәбез. Ә инде бала үзен икенче төрле тотса: кәефе булмаса, йөткерсә, көйсезләнсә, температурасы югары булса, без баланы кабул итәргә тиеш түгел. Терелеп сау-сәламәт килгән очракта баланы табиб биргән справка белән кабул итәргә тиеш икәнлеген тәрбияче беренче чиратта төп кагыйдә итеп кабул итәргә тиештер, диеп уйлыйм мин.

4 апрель көнне район мәдәният йортында фестиваль-конкурс "Радуга детских талантов" булды.Түбән Яке балалар бакчасыннан 2 бала катнашып призлы урыннарга ия булдылар.