Яңа ел бәйрәме алдыннан, ел саен районыбызда оешмаларның биләмәсен матурлау буенча конкурс игълан ителә.Быел да  әти-әниләр белән бергәләп, әдәбият елын истә тотып, Тукайныйң "Су анасы","Шүрәле","Акбай","Кәҗә белән сарык" әкиятләренә күп кенә сыннар ясадык.

Өр-яңа ел килә, өр-яңа.

Чынлап яңа булсын ул.

Кояш кебек, һәммә кешегә дә

Тигез көлеп торсын ул.

Урамнарга, бакчаларга,

Урман, кырлар өстенә

Ак мамыктай күбәләк кар

Төшә дә төшә генә.

Яңа яуган кар шыгырдый,

Өстенә баскан саен,

Курыкмыйча каршылыйбыз

Салкын кыш аен.

    Ана, Әни, Әнкәй! Бу илаһи сүзләр, югары төшенчәгә, тирән мәгънәгә ия. Кем генә булмыйк без, нинди генә эш-гамәлләр кылмыйк, югары дәрәҗәләргә ирешмик, иң беренче чиратта һәммәбез дә бу дөньяга безне бүләк иткән Әниебезгә бурычлы.

Без дә, балаларыбызны, хөрмәтле әниләребезгә бурычлы булуларын белеп үсеннәр дип,  тәрбияләргә тиешбез.

Шушы уңайдан бакчабызда”Әниләр көне”нә багышлап, гаилә белән бергәләп, музыкаль кичә үткәрелде.Кичәдә,  хөрмәтле әниләребезгә багышланган матур сүзләр, әйтемнәр, җырлар яңгырады.

Кичәне,  балалар бакчасы мөдире – Әлфия Шигапова түбәндәге шигьри сүзләр белән тәмамлады.

Кадерле, әниләр!

Балагызның берәве сез,

Гаиләнең терәге сез.

Гүзәллекнең өлгесе сез,

Һәркемнең дә кирәге сез.

          Күңелләргә  якты нур өләшеп,
          Шатлык өстәп һәр бер йөрәккә,
          Үз муллыгы белән көзләр килә
         Йомгак ясап җәйге хезмәткә.

        Җиргә төшә сары, ал яфраклар
       Көз җиткәнен алар  белдерә.
      Алтын көзең синең, туган ягым,
      Күңелемә якын, бер генә.