"Радуга детских талантов" район фестиваль-конкурсының финал туры булып үтте.Бакчабыздан Махмутова А., Хайрулин И.районыбыз мәдәният йортында уңышлы гына чыгыш ясадылар, дипломнар һәм истәлекле бүләкләр белән бүләкләнделәр. Алга таба да аларга унышлар телибез!

Бүген бакчабызда Сәламәтлек көнен билгеләп үттек.

Иртәнге як  көндәгечә иртәнге гимнастика белән башланып китте.Көнебез  "Сәламәтлек - иң зур байлык" исемле презентация карау белән дәвам итте.Шогыльләрдән соң  "Кызыклы эстафета" ярышы старт алды. Балалар ике командага бүленеп көч сынаштылар. Сәламәтлек көне бик күңелле узды.

Авылыбызның мәдәният йортында "Радуга детских талантов" фестиваль конкурсының зона туры булып узды.Барлыгы 8 балалар бакчасы катнашты.Безнең бакчабыздан Махмутова Азалия, Хайруллин Ильяс район турына үттеләр.Аларга алга таба зур уңышлар телибез!

28 нче гыйнвар көнне авылыбызда "Отчет сайлау җыелышы" булып узды.Район җитәкчеләреннән торган комиссия бакчабызда кунак булдылар.Илнар Фәнилевич биргән сорауларга балалар бик теләп җавап бирделәр.

Авылыбыз фельдшеры Венера Шафигулловна катнашында бакчабызда ата - аналар җыелышы булып узды.Җыелышның төп темасы - "ГЛПС, кеше гомере өчен куркыныч яклары" булды.Районыбыз приказы буенча әти - әниләр белән җыелышта шул хакта сөйләшелде.

Без чыгабыз һавага

Чаналарда шуарга

Үзебез ясаган тау бит,

Ничек шумыйсың анда!