Имам хатыйбыбыз Навафил ага әзерләгән яңа ел күчтәнәчләре якынлашып килүче бәйрәмгә тагын да ямь өстәде.Хәзрәт балаларыбыз белән дин турында әңгәмә дә үткәреп алды, изге киңәшләрен бирде, аятьләрдән мисаллар китерде.Безне онытмыйча, ел саен искә алып, игътибар күрсәткәне  өчен зур рәхмәт сезгә хәзрәт!

Авыл җирлегенә депутат итеп сайланган Аитов Булат Фаатович тарафыннан әзерләнгән яңа ел күчтәнәчләрен балалар сөенеп кабул иттеләр.Шундый зур бүләкләре өчен җирле депутатыбызга зур рәхмәтләребезне белдерәбез.Эшендә, гаиләсендә исәнлек-саулык, тынычлык, зур унышлар теләп калабыз. 

Гомуми ата-аналар җыелышы

Бүген бакчабызда иң матур бәйрәм - "Әниләр көне" билгеләп үтелде.

Бакчабызга 1 нче сыйныф укучылары кунакка килделәр. Алар безгә мәктәп тормышын сөйләп тә , тасвирлап та күрсәттеләр.Очрашу бик күңелле булды. Ачык авыз уены, йөзек салыш  уеннарын уйнадылар, бакчабыз буйлап сәяхәт ясадылар.

Бүген бакчабызда  “Баланың һәр яктан сау-сәламәт булып үсүендә гаиләнең роле” исемле икенче ата-аналар җыелышы булып узды.

  Көн тәртибе:

1.Төрле яшьтәге балаларның психологик үзенчәлекләре

2. Балаларда культура-гигиена күнекмәләре тәрбияләү.

3. Врач киңәшләре.

4.Анкеталар, тестлар үткәрү.

Бурычлар:1.Балаларда көзге табигатьнең матурлыгына соклана белү, күзәтүчәнлек һәм кызыксынучанлык  сыйфатлары тәрбияләү.

2. Һава торышын, агачларны, үләннәрне тасвирлап сөйли белү күнекмәләрен үстерү.

3. Туган якка, аның байлыкларына сакчыл караш, мәхәббәт тәрбияләү.