31 нче май көнне бакчабыздан 2 балабызны мәктәпкә озаттык.Күңелле дә,моңсу да булган бу бәйрәм әти-әниләр,балалар күңелендә дә озак сакланыр.Ак юллар сезгә балалар!

Балаларны халыкара яклау Көненә багышланган "Юниорлар алга !" дип исемләнгән XI нче балалар Спартакиадасы,Кирмән зонасына кергән балалар бакчалары арасында  шашка  ярышы уздырдык.

"Татмедиа" АҖ нең "Нократ" мәгълүмат- матбугат филиалы үткәргән "Без Тукайны сөйлибез" конкурсында "Иң кечкенә сөйләүче" номинациясендә безнең бакчадан Зифа Нәҗмиева җиңү яулады.Ул филиалның махсус призы белән бүләкләнде. Афәрин безнен кечкенә Зифабыз!

27 нче апрель көнне, авылыбыз мәдәният йортында ,"Салават күпере" талантлы балалар конкурсының зона туры үтте. Безнең бакчадан ике номинациядә 3 бала катнашты. Сафиуллина Айлинә "Көйсез гармун "дигән шигырь белән район турына үтте.Уңышлы башлангычың дәвамлы булсын! Афәрин Айлинә !

12 нче апрель-Космонавтика көне.Бу көн уңаеннан, бакчабызда, балалар уз куллары белән ракета рәсеме ясап уткән тарихны барладылар.Яшь буын Юрий Гагаринның галәмгә беренче очучы икәне турында фикер алыштылар  

6 нчы апрель көнне бакчабызда еллык планга нигезләнгән "Куян кызы "әкияте сәхнәләштерелде. Тамаша балаларга да ,әти-әниләргә дә бик ошады.Уңышлы башлангычыгыз дәвамлы булсын .Рәхмәт сезгә балалар!

22 нче март  көнне бакчабызда әти-әниләр җыелышы үтте. Көн тәртибе, язгы чорда әти-әниләр балаларын күзәтүчесез калдырмаска, куркынычсызлык кагыйдәләрен төгәл үтәүгә юнәлдерелгән иде.Әти-әниләргә бәла-казаларсыз гына каникул вакытын уздырып җибәрергә киңәш ителде, һәр әти-әни үзенең имзасын куйды.

8нче март-Әниләр бәйрәмен үз кулларыбыз белән ясалган бүләкләр әзерләп каршылыйбыз.

"Әни"- сүзе- "Яшәү"- сүзе

Икесе дэ миңа бер.

Я ходаем, әниләребезгә

Бирсәнә озын гомер.

Сезгә сәламәтлек,күңел тынычлыгы телибез!

Балалар бик тырышып 23 нче февраль-Ватанны саклаучылар көненә карата, үз куллары белән, әтиләренә бүләк ясадылар. Үз кулларың белән эшләгән бүләктән дә зуррак бүләк юктыр ул.Бәйрәм белән сезне Әтиләр!