28 ноябрь көнне мәктәптә Әниләр көне уңаеннан бәйрәм узып китте. Бәйрәмгә укчыларыбызның әниләре чакырылган иде, алар белән "Могҗизалар кыры" уены үткәреледе.  Бәйрәмне 5-6 нчы сыйныф укучылары әзерләгән иде. Шулай ук укчылар арасында Әниләр көненә багышланган рәсем конкурсы да игълан ителгән иде. Яхшы дип табылган рәсемнәр район турына җибәрелде.

“Кадерле әниләр!Сезне  Әниләр бәйрәме белән тәбрик итәбез.Сез-безнең яклаучыбыз, саклаучыбыз, барыр юлыбызны яктыртып торучы мәңге сүрелмәс кояшыбыз. Сез булган җирдә ризык бар, җылы бар. Бердәнбер иң кадерле, иң хөрмәтле, иң якын кешеләребез - әниләр! Балаларыгыз турында гел яхшы сүзләр генә ишетеп яшәргә язсын Сезгә! Без бит беләбез: әниләр өчен моңардан да зуррак бәхет юк! Матур булсын, котлы булсын бәйрәмегез!

27 нче ноябрь көнне мәктәбебезнең 8-11 нче сыйныфлары ике укытучы белән 43 урынлы автобуста Алабуга шәһәренә һәм "Алабуга" экономик зонага  кызыклы гына сәяхәт кылдылар. Беренче алар КФУ ның Алабуга институты белән танышканнар, тарих һәм археология музейларында булганнар. Аннан соң укучылар Алабуганың тарихи урыннарында йореп, И.И. Шишкинның музей - йортында булганнан соң "Алабуга" экономик зонасына юл тотканнар. Анда экскурсовод барлык предприятиеләр белән таныштырган, монда эшчеләргә эшләү һәм ял итү өчен барлык шартлар да тудырылган. Укучыларыбыз бик тә ошатып кайттылар.Рәхмәт оештыручыларга!