Апрель аенда 4 нче сыйныф укучылаы белән“Тукай рухы-милли иман,Тукай рухы-туган тел!- дигән темага кичә үткәрелде.Г.Тукай-татар шигърияте күгендә янган йолдызларның иң зурысы.Кичәдә укучылар яраткан шагыйребезнең җырларын,шигырьләрен башкардылар.Шүрәле абзый тәкъдим иткән татар халык уеннарын уйнадылар. Моннан 135 ел элек дөньяга килеп,шул дөньялыкта 27 ел яшәп,халык җанына әверелгән Тукай җан рухы бүген дә безне милли иманга,туган телгә дәшә. Кичә татар халкының гимнына әверелгән “Туган тел” җыры белән тәмамланды.

7 А сыйныфында “Туган телгә мәхәббәт туган җирдән башлана!-дигән темага сыйныф сәгате үткәрелде.Укучыларда туган телгә мәхәббәт тәрбияләү үз халкыңның мәдәниятен,гореф-гадәтләрен,иң күркәм йолаларын,халкыбызның тарихын хөрмәт итәргә өйрәтүгә бәйле.”Тарихчылар “ төркеме безне шәһәребезнең үткәне белән таныштырдылар.”Әдәбиятчылар”туган төбәгебездә туып-үскән талант ияләрен викторина сораулары ярдәмендә искә төшерергә ярдәм иттеләр.Туган телебезгә,туган җиребезгә багышланган шигырьләрне сөйләделәр. “Тел белгечләре” төркеме якташыбыз Хуҗи Мәхмүтовның халык авыз иҗаты әсәрләре белән таныштырдылар.

7А сыйныфы укучысы Сәләхетдинова Сөмбел әдәби берләшмәдә үзенең беренче хикәясен тәкъдим итте.