Ата-аналар җыелышларын уздыру планы буенча 17 нче апрель көнне Урдалы мәктәбендә ТДИ һәм БРТна әзерләнү буенча 9 класс укучылары һәм аларның әти-әниләре өчен җыелыш үткәрелде.
   Мәктәпнең укыту эшләре буенча директор урынбасары Зәйнетдинова Г.Р. ТДИ һәм БРТна кагылышлы документлар белән таныштырды. Рус теле һәм математика укытучылары Миндиярова Х.М., Канавалова Ә.Г. 7нче һәм 9нчы апрельдә ТДИга әзерлек дәрәҗәләрен тикшерү максатыннан районда уздырылган ТДИ эшләренә тирәнтен анализ ясадылар. Мәктәп директоры Хайруллина Р.З. укучыларга ничек психологик ярдәм күрсәтергә кирәклеге турында сөйләде. Ата-аналарның барлык кызыксындырган сорауларына җавап бирелде.

  Экологик айлыкта 9 класс укучылары мәктәптә генә түгел, ә авылыбызның үзәгендә урнашкан мәчет тирәләрен җыештыруда да бик зур өлеш керттеләр.

  Мәктәптә Бөек Җиңүнең 70 еллыгын каршылауга багышланган чараларны туплау бара. Моның өчен һәр класс үзенә агачның бер ботагын сайлады. Укучылар һәр эшләнгән эшне ботакларга яфрак итеп беркетә барачаклар.

  "Экологик айлыкта катнашыйк!" акциясе кысаларында мәктәбебез укучылары бик актив эш алып бара. Махсус тартмада укучыларның ай буена эшләнгән эшләре тупланып барыла. Ай ахырында эшкә нәтиҗә ясалачак.

  Бүген экологик айлыкның беренче ун көнлегенә нәтиҗә ясалды. Актив класслар һәм укучылар билгеләнде.

 Учащиеся нашей школы приняли участие в муниципальном фотоконкурсе "Мы в ответе за тех, кого приручили".

  5-6 класс укучылары Җиңүнең 70 еллыгына "Булдырмаска кирәк сугышны" темасына рәсемнәр ясадылар. Иң актив укучыларның рәсемнәре күргәзмәгә куелды. 

  Бүген 7 апрель- Бөтендөнья сәламәтлек көне. Шул уңайдан иртәнге әңгәмәдә укучыларга көндәлек режим, аның үтәлешенең әһәмияте, сәламәт яшәүнең өч шарты турында сөйләнде. Соңыннан мәктәпкүләм "Күңелле зарядка" ясалды.