Җылы кояшлы көннәре белән ямьле яз  да җитте. Яз көне төрки халкы  матур гөреф- гадәт буенча  Нәүрүз бәйрәме үткәрә. Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Нәүрүз сүзе яңа көн (ел) дигәнне аңлата. Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар , бииләр, рәхәтләнеп күңел ачалар.  Бу бәйрәмне авыл клубы, китапханәсе эшчеләре белән бергә үткәрү  күркәм бер традициягә әйләнде . Бәйрәмнең хуҗасы- Нәүрүзбикә белән бергә безнең укучыларыбыз да шушы күңелле бәйрәм чарасында катнаштылар. Рәхәтләнеп уеннар уйнадылар,биеделәр. Соңыннан коймак белән чәй эчтеләр.