Күренекле халык язучысы, журналист, тәрҗемәче, психолог Г.Тукай исемендәге Дәүләт премиясе лауреаты Әмирхан Еникинең юбилее уңаеннан “Әмирхан Еники – күңел карурманының тургае” исемендәге зональ фәнни-гамәли конференция.

24 нче февраль көнне мәктәбебез дә Әмирхан Еникинең юбилее уңаеннан “Әмирхан Еники – күңел карурманының тургае”  исемендәге зональ фәнни-гамәли конференция булып узды. Төрле шәhәр hәм район мәктәпләреннән килгән татар теле һәм әдәбияты укытучылары үзләренең эш тәҗрибәләрен уртаклаштылар.

Конференция түбәндәге секцияләргә бүленеп үткәрелде:

1.     Ә.Еники иҗатында туган туфрак, тел, милләт темалары чагылышы.

2.     Ә.Еники әсәрләрендә тел сурәтләү чаралары, стиль үзенчәлекләре.

3.     Укыту-тәрбия-процессында, мәгълүмати белем чыганакларына таянып, Ә.Еники иҗатын файдалану.

4.     Ә.Еники әсәрләрендә рухи байлык проблемасы.

Конференция бәйрәмчә бизәлгән актлар залында укучыларның сәламләү чыгышы белән башланды.

Әмирхан ага Еникинең әсәрләре кешеләргә яхшылык эшләргә, игътибарлы һәм ихтирамлы булырга өйрәтә. Күп еллар элек язылып, хәзерге көндә дә актуальлеген, әһәмиятен югалтмаган бу әсәрләре мәңгелек булып калыр дип ышанабыз.

Конференцияне чакырылган кунакларыбыз Г.Тукай исемендәге үзәк китапханәнең милли әдәбият бүлеге мөдире Мифтахова Розалия Шамил кызы, мәгълүмати-методик үзәк белгече Рамазанова Ландыш Гаяз кызы тәмамлады. Һәрбер чыгыш ясаучыга бәя биреп, үзләренең фикерләрен белдерделәр.