16 нчы гыйнварда районыбызның Тимәш урта гомуми белем бирү мәктәбендә милләтебез каһарманы Батырша мирасына багышланган республикакүләм фәнни-гамәли конференция булып узды.Конференциядә катнашучылар республиканың Норлат, Чирмешән, Әлмәт һәм башка районнарыннан килгән иде. Әлеге конференциядә мәктәбебезнең татар теле һәм әдәбияты укытучысы Осипова Л. И. да катнашты. “Батыршалар токымыннан иде ул...” исемле чыгышын Людмила Ивановна язучы, “Батырша” романының авторы, тарихчы, милләт язмышы белән яшәүче, тарихи гаделлек өчен көрәшүче фидакарь кеше, үзе дә Батырша кебек каһарманнар сафында торырлык шәхес – Җәмит ага Рәхимовка багышлады.