Җәйге лагерь башлана

2 июньнән мәктәптә җәйге лагерь эшли башлый. Анда 8 башлангыч класс укучысы йөри. Лагерь җитәкчесе: Камалтдинова Л.Х., ә тәрбияче: Аскарова Ф.Х. Балаларның ялы план буенча оештырылачак. Ул кызыклы булачак дип көтелә.

Бишенчегә күчтек без.

27 май көнне мәктәптә 4 класс укучылары башлангыч класс белән саубуллаштылар. Алар бик матур итеп чыгыш ясадылар. Беренче укытучылары Фәния апалары Аскаровага, үзләрен 4 ел буе укыткан укытучыларына, 2 ел дәвамында тәрбия биргән класс җитәкчеләре Нурзия апалары Садыйковага зур рәхмәтләрен әйттеләр. Ә укытучылар балаларга изге теләкләрен җиткерделәр. Бәйрәм күңелле үтте.

1, 2, 3 класс укучылары да дусларын бәйрәм белән котладылар.

Аерылыр чак җитте, дусларым!

                                                                   Сизелмәде тугыз ел үткәне.

                                                              Хуш, мәктәп, үз күрдең,

                                                       Яшәргә көч бирдең,

                                                                   Канат куеп безне үстердең.

       Соңгы кыңгырау... Бу сүзләр һәркем күңелендә хәтирәләр уята. Ул хәтирәләр моңсу да, шул ук вакытта шатлыклы да.    Шатлыклы, чөнки мәктәптә дәресләр тәмамлана, уку бетә. Моңсу – классташлар, укытучылар, мәктәп белән  аерылыр вакыт җиткән икән...

    Быел бу бәйрәм барлык мәктәпләрдә дә 24 май көнне узды. Сарабикол мәктәбен 5 укучы тәмамлады. 5 кенә бөртек булсалар да, бик матур бәйрәм күрсәттеләр алар. Класс җитәкчеләре Лилия Камалтдинова  белән бергә әзерләнделәр. Укучыларны котларга районның мәгариф идарәсеннән Рамазанова Ландыш Гаяз кызы килгән иде. Ул укучыларны да, укытучыларны да, әти-әниләрне дә бәйрәм белән котлады, изге теләкләрен җиткерде. Район күләмендә бәйгеләрдә җиңгән укучыларга грамоталар тапшырды. Баларларны шулай ук мәктәп директоры Гатина С.Ә., “Сатурн-Урал” җәмгыяте җитәкчесе Хакимов Р.М.,  авыл башлыгы Адельшина Г.Р., ветеран укытучы Мостафина Р.Г., әти-әниләр, әби-бабайлар котладылар.  Иң матур теләкләр 9 класс укучылары өчен яңгырады.

       Мәктәбебездә кыңгыраулар чыңы тынмасын иде! Киләчәктә дә авылыбыз балалары үз мәктәпләрендә белем алсыннар иде.

     Барлык коллегаларымны бәйрәм белән тәбрик итәм. Исәнлек, бәхет, сабырлык, эшләрендә уңышлар телим.

Мәктәптә 20 нче майдан  “Наркотиксыз тормыш” акциясе  башланды

     Шигърият бәйрәме

          Иске Шөгер мәдәният йортында районыбызның күренекле шагыйре Таһир абый Шәмсуаровның юбилеена багышлап  шигърият бәйрәме узды. Шәһәр һәм район мәктәпләреннән 13 укучы чыгыш ясады. Безнең мәктәптән 2 класс укучысы Камалтдинова Карина, 7 класс укучысы Валиева Эльвира катнашты. Алар матур чыгыш ясадылар

Национальный Чемпионат WorldSkills Russia 2014 приглашает всех с 16 по 20 мая на Казанскую Ярмарку. Со всей России ребята приедут в Казань, чтобы представить свою профессию и побороться за звание лучшего по специальности, за шанс получить путевку на международный чемпионат и достойно представить Россию! Добро пожаловать! Вход свободный!».

Безнең мәктәптә "Мир без войны" конкурсы үтте. Башлангыч класс укучылары арасында беренче урынны Камалтдинов Динар Гайса улы алды. Өлкән класс укучылары арасында беренче урынны Мусин Руслан лаек булды.

   Бөек Җиңүгә – 69 ел!

   Мәдәният  йорты каршында Бөек Җиңүгә  69 ел тулу уңаеннан митинг узды.  Авыл башлыгы Г.Р. Адельшина, районның авыл хуҗалыгы җитәкчесе,  «Сатурн-Урал» җәмгыяте рәисе Хакимов Р.М. тыл ветераннарын, авыл халкын бәйрәм белән котладылар. Укучылар шигырьләр сөйләделәр. Бәйрәм концерт белән үрелеп барды.   

    Соңыннан укучылар обелиск янына чәчәкләр, веноклар салдылар.