12 января в Республике Татарстан объявлен днем траура по погибшим на пожаре в с. Старый Кувак. В нашем детском саду проведены профилактические беседы о противопожарной безопасности с воспитанниками, родителям были розданы памятки "О правилах пожарной безопасности".

25 декабрь көнне балалар бакчасында Яңа ел бәйрәме үтте. Бәйрәмгә төрле илнең Кыш бабайлары, 2016 ел хуҗасы маймыл кунакка килделәр. Балалар зарыгып көткән Кыш бабай белән Кар кызына үзләренең һөнәрләрен күрсәттеләр.

Хөрмәтле әти-әниләр! Сезне 25 декабрь көнне сәг.12.00 да "Яңа ел маҗаралары" дип аталган бәйрәмдә көтеп калабыз.

Бүген, балалар бакчасында тәрбияләнүче балалар, тәрбиячеләр белән Яңа ел бәйрәменә чыршыны, бүлмәне бизәделәр.

Балалар бакчасында тәрбияләнүче балалар саф һавада уеннар уйнарга бик яраталар. Бүген дә балалар, кызлар һәм малайлар командасына бүленеп кышкы футбол уенын уйнадылар. Нәтиҗәдә кызлар командасы җиңү яулады.

28 ноябрь көнне, Әниләр көне уңаеннан, балалар бакчасында әниләр өчен бәйрәм концерты үтте. Балалар әниләренә багышлап шигырьләр сөйләделәр, җырлар җырладылар, күңелле биюләрен биеделәр.Һәрбер әни татар халкының милли ризыкларын пешереп килгән иде. Балалар ризыклар турында мәгълүмат бирделәр. Соңыннан пешереп килгән ризыклар белән чәй эчтеләр.

Бүген, балалар бакчасында, "Олыласаң олыны - олыларлар үзеңне" дип исемләнгән тәрбия чарасы үтте. Балалар өлкәннәр турында шигырьләр сөйләделәр, тәрбиячеләр белән әңгәмә үткәрделәр. 

3 октябрь көнне, “Агач утырту көне” акциясе кысаларында, тәрбиячеләр, бакчага, агачлар утырттылар.     

1 октябрь өлкәннәр көне уңаеннан Мәдәният йортында бәйрәм концерты булып узды. Балалар бакчасында тәрбияләнүчеләр өлкәннәрне бәйрәм белән котлап шигырьләр сөйләделәр, җырлар бүләк иттеләр.

Хөрмәтле балалар бакчасы тәрбиячеләре!
Сезне чын күңелебездән һөнәри бәйрәмегез -Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Тәрбиячегә беркайчан да җиңел булмады. Тормыш сезгә һәрвакыт югары таләпләр куйды. Бүген алар күп тапкыр артты. Без яңалыкка омтыла торган гасырда яшибез һәм бүген искечә эшли алмыйбыз: заман үзгәрә, яңа мәгариф стандартлары кертелә. Хөрмәтле тәрбиячеләр, һөнәри бурычыгызга тугры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!