Лагерның 14нче көне

"Кояшкай" лагеры иртәнге зарядка һәм иртәнге аштан соң "Орленок музыкант" дигән тема буенча эшен дәвам итте. Музыкаль инструментлар виртуаль музеена сәяхәт ясап төрле инструментлар белән танышкач, балалар төрле музыкаль инструментларда уйнап карадылар. Саф һавада хәрәкәтчән уеннар уйнагач төшке аш та тәмле. Йомгаклау концертына әзерлек дәвам итә. Балалар шигырь һәм җырларны кабатладылар. Өстәл уеннарын уйнагач өйләргә таралыштык. Тагы бер көн артта калды.

Лагерның 13нче көне

Лагерның эшен көндәгечә зарядкадан башладык. Иртәнге аштан соң эшебезне "Орленок сәяхәтче" дигән тема буенча дәвам иттек. Кем ул сәяхәтче, үзең белән сәяхәткә нәрсәләр алырга кирәк, юлда аптечка кирәк буламы дигән сораулар буенча әңгәмә уздырдык. Бергәләшеп Түбән Чыршылы аерым янгын сүндерү постына сәяхәт ясадык. Анда безне янгын сүндерү посты җитәкчесе Каримов И.Б. каршы алды. Ул безгә әлеге оешма буенча экскурсия үткәрде, анда кемнәр, ничек эшли, нинди нәтиҗәләргә ирешкәннәр шул хакта сөйләде. Укучыларны янгын сүндерү машинасының төзелеше белә таныштырды. Аннары укучылар үзләрен янгын сүндерүче ролендә сынап карадылар. Экскурсия бик кызыклы узды. Балалар Илдүс абыйларына рәхмәт әйтеп кире мәктәпкә кайттылар. Төшке аш сәяхәттән соң бик тәмле булды. Смена ябылуга әзерлек бара. Балалар җырлар, шигырьләр өйрәнделәр. Бүгенге көн дә лагерь елязмасы битләренә күчте.

"Кояшкай" лагеры бүгенге көнне тантаналы рәвештә байраларны чыгару һәм гимн җырлаудан башлады. Иртәнге зарядкадан соң иртәнге ашны ашагач, "Орленок рәссам" дигән тема астында эшне дәвам иттек. Россия сәнгать музеена онлайн сәяхәт ясагач укучылар җәй темасына рәсем , рәсемнәрдән күргәзмә ясап куйдылар. Төшке аштан соң саф һавада хәрәкәтчән уеннар уйнадылар, өстәл уеннарында ярыштылар. Бүгенге көн дә бик файдалы һәм күңелле узды.

"Кояшкай" лагеры экваторга җитте. Бүгенге көн "Орленок пешекче" дигән тема астында үтә. Иртәнге зарядка һәм иртәнге аштан соң дөрес туклануга багышланган фильм карадык. "Дөрес туклану нәрсә ул" дигән темага әңгәмә узды. Ашханәгә экскурсия ясап балалар үзләрен төрле рольләрдә сынап карадылар. Авыл китапханәчесе Мифтахова Г.И. "Җәйге әдәби китап эстафетасы" дигән уен уйнарга кунакка дәште. Балалар әкиятләргә багышланган викторина сорауларына җаваплар бирделәр, ребуслар чиштеләр һәм мозаикалар җыйдылар. Спортплощадкада хәрәкәтчән уеннар уйнагач төшке аш та бик тәмле булды. Спортзалда төз ату, автомат сүтеп җыю күнекмәләре алгач өстәл уеннары уйнап өйләргә таралыштык. Бүгенге көн дә бик күңелле һәм мавыктыргыч узды.

"Кояшкай" лагеры гадәттәгечә эшен иртәнге зарядкадан башлап җибәрде. Бүгенге көн "Орленок коткаручы" дигән темага багышлана. Иртәнге аштан соң төрле гадәттән тыш хәлләр вакытында ашыгыч ярдәм күрсәтү алымнарына багышланган фильмнар карадык. Ашыгыч ярдәм күрсәтү алымнарын өйрәнү максатында тренинг үттек. Спортзалда һәм саф һавада хәрәкәтчән уеннар уйнагач төшке аш та бик тәмле булды. Йомгаклау концертына әзерлек бара, бүген күмәк җырны кабатладык. Өстәл уеннары "Хоккей", "Дженга" һәм "Уно" дигән уеннарда ярышлар узды. Җиңүчеләргә баллы бүләкләр бирелде.

"Кояшкай" лагеры бүгенге эшен "Орленок эрудит" дигән тема астында башкарачак. Иртәнге зарядка һәм тәмле иртәнге аштан соң балалар данлыклы Россия галимнәре дигән фильм карадылар. Ике командага бүленеп Нәрсә? Кайда? Кайчан? дигән интелектуаль уен уйнадылар. "Йолдызлар" һәм "Кояшкай" командалары арасындагы ярыш "Йолдызлар" командасы файдасына тәмамланды. Аннан соң иң төз атучыны ачыкладык. Бәйге нәтиҗәсе буенча малайлар арасында беренче Муртазин В. икенче урында Валиев Әлфис һәм Муртазин А. өченче Валиев Әнфис, кызлар арасында беренче Замалиева А., икенче урында Сахапова А. Төшке тәмле аш ашап алгач балалар әкият карадылар. Саф һавда хәрәкәтчән уеннар уйнадылар. Бүгенге көнебезне дә бик файдалы уздырдык.

Лагерның 8нче көне

"Кояшкай" мәктәп яны лагеры 8нче көнне иртәнге зарядкадан башлап җибәрде. Иртәнге аштан соң укучылар авыл китапханәсенә бардылар. Китапханәче Мифтахова Г.И. "Россия көненә" багышлап, "Без Россия балалары" дигән патриотик сәгать уздырды. Ул укучыларга Россия символикалары: гимн, герб һәм флаг турында сөйләде. Гимн тыңладылар, Россия турында шигырьләр укыдылар, "Россия минем Ватаным" дигән викторинада катнаштылар. Учларын кәгазьдән кисеп, яхшы теләкләр язып дәүләт флагы ясадылар. Төшке аш ашаганнан соң, Россия көненә багышлап тәрбиячеләр һәм директор киңәшчесе җитәкчелегендә, лагерьга йөрүче балалар төсле фотолардан флаг, асфальтка рәсем ясадылар. Саф һавада уеннар уйнадылар. Бүгенге көн дә бик кызыклы һәм уңышлы үтте.

"Кояшкай" мәктәп яны лагерында җиденче көн "Орленок - патриот" темасы астында үтте. Атнаның беренче көне байракларны кертүдән башланды. Иртәнге күнегүләрне ясап, тәмле иртәнге ашны ашаганнан соң, балалар күл янына сәяхәткә бардылар. Саф һавада хәрәкәтле уеннар уйнаганнан соң, пешекчеләр аларны тәмле төшке аш белән сыйлады. Көннең икенче яртысында тәрбиячеләр җитәкчелегендә балалар "Мин һәм минем Россия" дигән акцияда катнаштылар. Ахырда автомат сүтеп җыю буенча ярыш узды. Малайлар арасында беренче урында Каримов Ә., икенче урында Муртазин В., өченчә урында Валиев Ә., кызлар арасында беренче Сахапова Ә., икенче Каримова Ә., өченче урында Замалиева А. Көн бик күңелле һәм файдалы үтте.

"Кояшкай" лагеры көндәгечә эшне иртәнге зарядкадан башлап җибәрде. Бүгенге көн "Орлёнок доброволец" исеме астында үтә. Ирекле эшләр башкару максатында укучылар мәктәпне һәм территорияны җыештырырга булышты. Сабантуйга әзерлек дәвам итә, малайлар көрәшкә әзерләнә. Төшке аштан соң лагерь ябылуга әзерлек максатында номерлар әзерли башладылар. Аннан соң саф һавада уеннар уйнадылар.

Иртәнге зарядкадан соң "Кояшкай" мәктәп яны лагерында бүген "Орлёнок китап укучы" көне билгеләп үтелде. Әлеге темага багышлап, әңгәмәләр үткәрелде, балалар А.С. Пушкин китапларын укыдылар. Иртәнге аштан соң малайлар спортзалда көрәш алымнарын кабатлады, автомат сүтеп җыярга өйрәнделәр. Аннары А.С. Пушкин әсәренә ясалган "Салтан патша турында әкият" дигән мультфильм карадылар. Төшке аштан соң музыкаль инструментлар белән таныштылар. Саф һавада уеннар уйнадылар.