Мәктәбебездә укытучылар көненә багышланган бәйрәм булып узды. Укучылар остазларына булган хөрмәтен концерт номерлары аша җиткерделәр. Бәйрәм укытучыларга багышланган шигырьләр белән башланып китте. Яраткан мөгаллимнәренә һәм хезмәттәшләренә багышлап татар теле укытучысы Маргарита Николаевна матур җырлар бүләк итте. Балалар биюләр биеделәр, скетч күрсәттеләр. Авыл башлыгы Павлова В. И. шулай ук бәйрәм белән тәбрикләде. Укытучылар көне бик күңелле һәм истә калырдай булды. Мөгаллимнәребез күрсәтелгән кадер – хөрмәттән бик канәгать калдылар. Үзләрен шушындый җаваплы изге эшкә багышлаган барча укытучыларга күп сабырлык, сәламәтлек, зур уңышлар телибез.