«Татарча диктант-2022» акциясе җиденче тапкыр бөтен җир шары буйлап үткәрелде. 26 нчы ноябрь көнне бездә 13 укучы, 9 мөгаллим бик теләп, «Татарча диктант»ны яздылар (диктант текстын татар теле һәм әдәбияты укытучысы Степанова М. Н. Укыды). Иң өлкән катнашучы 76 яшьлек лаеклы ялдагы ветеран укытучы Ильина Л. В., ә иң яшь язучы  10 яшьлек 5 нче сыйныф укучысы Васильева Жанна булды. Татарча диктант акциясенең асылы - Россия Федерациясе һәм дөньяның төрле шәһәрләрендә барлык теләгән һәркем ирекле рәвештә һәм бушлай татар телен ни дәрәҗәдә белүен тикшереп карый алуы.  Акциянең максаты - татар телендә хатасыз язарга өйрәнү, татар әдәби телен кулланучыларның даирәсен арттыру, орфографик һәм грамматик хаталарны тикшерү.  Ләкин аның иң мөһим миссиясе – татарлыкны саклап калу. Чарада катнашучы һәркем акциядә катнашып, татар телен, милли гореф-гадәтләребезне саклап калуга үз өлешен кертте.