Әни – җирдә иң кирәкле кеше,

Әниләрнең белик кадерен.

Җил – давылдан саклап үстергән ул,

Кызганмыйча бөтен гомерен.

Кая барма, шунда әнкәй йөзе,

Кая барма – әнкәй күңелдә.

Бары әни генә синең өчен

Җанын биреп яши гомергә.

          Хөрмәтле әниләр, әни булган, әни булачак коллегалар! Ихлас күңелдән барыгызны да Әниләр көне белән котлыйбыз! Сезгә хатын – кыз бәхете, әни бәхете, саулык – сәламәтлек, бәрәкәтле озын гомер, гаилә иминлеге, җан тынычлыгы, аяз күк йөзе, якты киләчәк телибез. Газиз балаларыгызның игелеген күреп, яраткан әни һәм әби булып, шатланып – куанып яшәүләр насыйп булсын! Хәзерге заманда барыбызга да кирәк булган сабырлык ташламасын Сезне!

Иң изге теләкләр белән мәктәп администрациясе.