Кояшлы көннән файдаланып, мәктәптә шимбә өмәсе үтте. Барлык укучылар һәм хезмәткәрләр бакчада һәм тирә – якта көзге эшләрне башкардылар. Җәйге чорда балалар, белем йортының яшелчә, җиләк – җимеш бакчасында көч куя, үсемлекләрне тәрбияли, су сибә, чүбен утый. Ә көз аларны яхшы уңыш белән сөендерә. Укучыларның тырышлыклары бушка китми: алар уку елы дәвамында мәктәп ашханәсендә үзләре үстергән авыл хуҗалыгы продукциясе белән тәэмин ителәләр.

          Мәктәбебез бакчасында ел саен укучыларны ел буе ашатырлык күләмдә бәрәңге үстерелә. Бүген өлкән сыйныф укучылары, укытучылар, техник хезмәткәрләр ярдәме белән әлеге уңышны җыеп алдылар.