Бүген мәктәптә мәктәпкүләм ата – аналар җыелышы узды. Җыелышны директор Кириллова В. С. башлап җибәрде. Ул 2018 – 2019 нчы уку елында булган яңалыклар һәм уңышлар турында сөйләде. Аннары сүз директор урынбасары Степанова М. Н. га бирелде. Ул укучыларның өлгереше һәм төрле конкурс – олимпиадаларның нәтиҗәләре турында сүз алып барды. Аннан соң сүзне мәктәп яны лагере башлыгы Григорьев А. С. алды. Ул мәктәп яны участогында практика үтү һәм лагерьда ял итү хакында чыгыш ясады. ТИН укытучысы Михайлова С. И. җәйге каникулларда очрый торган куркынычлар һәм алардан саклану чаралары турында искәртте. Соңыннан әти – әниләр кабинетларга таралып, җыелышны сыйныф җитәкчеләре белән дәвам иттеләр.