Республикабызда, шул исәптән Лениногорск муниципаль районында да, 1 нче апрельдән 31 нче майга кадәр санитар – экологик чисталык икеайлыгы игълан ителде. Бу акция дәвамында өмәләр оештырылачак. Аның шарты буенча һәр кеше үзе яшәгән, үзе эшләгән тирәлекне тәртипкә китерергә, табигатебезнең гүзәл, сулар һавабызның саф, эчәр суларыбызның чиста булуына өлеш кертергә тиеш. Икеайлык кысаларында мәктәбебез тирәсендә кабат өмә оештырылды. 2 нче дәрестән соң 5 – 8 нче сыйныф укучылары “Мәктәп чишмәсе” тирәсен җыештырдылар, агач кәүсәләрен агарттылар, көнкүреш чүп – чарларын җыеп түктеләр, бакча казыдылар, суган утырттылар.