Бүген – бөек шагыйребез Габдулла Тукайның туган көне. Татар шигъриятендә Тукай – иң якты йолдыз. Ул калдырган иҗат мирасы һәм рухи яктылык – безнең мактанычыбыз һәм горурлыгыбыз. Аның исеме татар мәдәниятенең үткәне, бүгенгесе һәм киләчәге белән мәңгегә бәйле. Шул уңайдан мәктәбебездә “Апушның тылсымлы төшләре” исемле әдәби – музыкаль кичә үтте. Чарада 1 – 8 нче сыйныф укучылары актив катнашты: “Кызыклы шәкерт” шигырен, “Бала белән Күбәләк” җырын сәхнәләштерделәр, шагыйрь шигырьләрен сөйләделәр, язучының иҗаты белән тагын да якынрак таныштылар, Тукай сүзләренә язылган җырларга клиплар,  “Шүрәле” мультфильмын карадылар, Кырлай авылындагы музей комплексына виртуаль экскурсия ясадылар, “Туган тел” җырын бергәләп башкардылар. Мероприятие эчтәлекле, күңелле узды. 

Бик еракта балкып аткан

Бер гүзәл апрель таңы,

Бирде сине бу җиһанга

Әй, шагыйрьләр солтаны!

Бәйрәмнәрең алда икән әле,

Кара, шагыйрь, бүген текәлеп, -

Халкың килде сиңа мәхәббәтен

Ал чәчәкләр белән белдереп.