Илебез буенча октябрь ае башында Өлкәннәр ункөнлеге уздырыла. Бу көннәрдә өлкәннәрне котлаулар, бүләкләүләр, искә алулар бара. Өлкән кешеләр – безнең әби – бабайларларыбыз, күршеләребез, туганнарыбыз алар. Бик күп авырлыклар күргән, дөньяның ачысын – төчесен татыган кешеләр. Гомерләре буе хезмәттә кайнаган, сугыш һәм сугыштан соңгы авырлыкларны иңнәрендә күтәргән өлкәннәр, картлык көннәрендә зур игътибарга, ихтирамга, хөрмәткә лаек. Бүген шул уңайдан авыл мәдәният йортына бик күп еллар үз хезмәтенә тугры булып, вакыт белән исәпләшмичә эшләп, хәзерге вакытта лаеклы ялда булган укытучылар чакырылды. Аларга 4 нче һәм 6 нчы сыйныф укучылары матур концерт номерлары күрсәттеләр, кунакларны эчтәлекле шигырьләр белән сөендерделәр. Очрашу бик күңелле узды.