Язның бер көне ел туйдыра. Бүген мәктәп яны участогында эш гөрли. Җирләр эшкәртеп, түтәлләр ясала, яшелчәләр утыртыла. 1 – 6, 9 нчы сыйныф укучылары 3 нче дәрестән соң мәктәп бакчасында кишер, чөгендер һәм бәрәңге утырттылар. 

          Известны результаты республиканской предметной олимпиады для школьников 1 – 7 классов «Эрудит» по предмету татарский язык. Иванова Мария (7 класс)  и Фёдорова Милена (5 класс) заняли 3 место и стали лауреатами. Иванова Кристина, ученица 5 класса, заняла 2 место и стала призёром. Молодцы! Поздравляем! Желаем дальнейших успехов! 

Бүген Федотовка авылында зур тантана – Бөек Җиңүнең 73 еелыгы уңаеннан митинг һәм бәйрәм чаралары оештырылды. Чараларда сугыш чоры балалары, тыл ветераннары, авыл халкы, мәктәп укучылары катнашты. Митинг “Үлемсез полк” акциясе белән башланып китте. Аннан соң сүзне район вәкиле, авыл җирлеге башлыгы, ветераннар советы рәисе, сугыш чоры балалары һәм мәктәп укучылары дәвам итте. Барлык чыгышлар да “Сугыш афәте бүтән беркайчан да кабатланмасын!” дигән теләкләр белән тәмамланды. Яу кырында ятып калган һәм исән – сау кайтып та, инде безнең арабызда булмаган батырлар бер минутлык тынлык белән искә алынды һәм алар хөрмәтенә һәйкәлгә чәчәкләр һәм веноклар салынды. 

Кузьминовка авылында урнашкан мемориал янында Бөек Җиңүнең 73 еллыгына багышланган тантаналы митинг узды. Анда безнең мәктәп укучылары да катнашты. Ил азатлыгы өчен башын салганнар тагын бер тапкыр искә алынды, аларга карата рәхмәт сүзләре яңгырады. Әби – бабайлар, апа – абыйлар,  яшьләр, мәктәп укучылары обелиск алдына чәчәкләр салды. 

          Бөек Җиңүнең 73 еллыгына багышлап, Халыкара "Үлемсез полк"  акциясе  үткәрелә. Акция  сугыш ветераннарын хөрмәтләү, алар үткән  данлы юлларны искә төшерү максатыннан уздырыла. Русиянең барлык төбәкләрендә үткән "Үлемсез полк" акциясенә Татарстан, шул исәптән Лениногорск районының Федотовка авылы халкы да бик теләп кушылды.

          Укучылар укытучылар белән берлектә "Үлемсез полк" составында ил азатлыгы өчен башын салганнар ветераннарның фотопортретларын әзерләделәр. Акция кысаларында мәктәп укучылары кулларына якыннарының - Бөек Ватан сугышы геройларының портретларын һәм шарлар тотып, батырларның истәлеген мәңгеләштергән һәйкәл янына юл алды. Һәр портрет – үзе бер тарих, истәлек. Батырларның даны мәңгелек, күпме сулар акса да, алар турында хатирәләр халык күңеленнән җуелмас, буыннан буынга тапшырылып килер. Дан Сезгә, хөрмәтле ветераннар! Безнең арада булмасагыз да, без Сезне хәтерлибез. 

Быел Федотовка авылында 8 нче Май көнне иртәнге сәгать 10. 00 да Билгесез солдат һәйкәле янында, Кузьминовка авылында исә сәгать 11. 00 дә мемориал янында митинг узачак.

Хөрмәтле авылдашлар! Сезнең һәммәгезне дә бу митингта көтеп калабыз. Безгә Җиңү язын алып килгән ветераннарыбызга рәхмәт хисләрен бергәләп чагылдырыйк.