Бүген мәктәпкә шәһәр мәдәният сараеннан кинолекторий килде. 1 – 8 нче сыйныфлар “Тимур һәм команда” исемле режиссёр Наталья Галузо төшергән балалар уен фильмын карадылар. Кино бик ошады. 

          Бүген янгын куркынычсызлыгын тикшерү максатыннан өйрәнү эвакуациясе үткәрелде. Мәктәптәге барлык укучылар һәм укытучылар тиз арада чыга алдылар һәм вакыт регламентына сыештылар.

Хөрмәтле хатын-кызлар!

          Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.

          Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Мәктәп администрациясе. 

          Бүген мәктәбебездә “Бәйрәм белән, әнием!” дип исемләнгән кичә узды. Чарада укучылар әниләренә матур җырларын, шигырьләрен бүләк иттеләр. Соңыннан “Ягез әле, кызлар!” конкурсы үтте. Ике командага бүлешеп, бөтен мәктәп кызлары осталыкларын күрсәттеләр. Ярышта дуслык җиңде. 

          Мәктәбебездә “Әлифба бәйрәме”! Әлеге чара бик күңелле һәм эчтәлекле булды. Алга таба 1 нче сыйныф укучыларына һәм укытучылары Григорьева Лилия Андрей кызына  уңышлар телибез. Белем үрләрен җиңел яуласыннар. 

          Тарих һәм география укытучысы Григорьев Александр Семион улының 2 нче март көнне алтын юбилее.

          Хөрмәтле Александр Семионович! Сезне туган көнегез белән тәбрик итәбез. Сезгә корычтай ныклы сәламәтлек, гаилә бәхете, эшегездә зур уңышлар, озын гомер һәм дөнья иминлеге телибез. 

                                       Һәрчак шулай яшьлек дәрте Сездә

                                     Янып торсын җәйге учактай.   

                                     Саулык, байлык, күп шатлыклар
                                     Чиксез булсын язгы офыктай. 

          Учитель математики Габдуллин М. Ш. 2 марта будет участвовать в первенстве по шахматам, и представлять нашу школу в городе. Желаем ему успехов!  

Ватанны саклаучылар көне –

Ул бит чын ирләрнең бәйрәме.

Туар таңнарыбыз тыныч булсын,

Артсын бәхет – шатлык күләме.

          Кадерле ир – укытучыларыбыз, малайлар, егетләр! Сезнең барыгызны да 23 нче февраль Ватанны саклаучылар көне белән ихлас күңелдән тәбрик итәбез. Ил – көннәребез аяз булсын, һәрберегез сәламәт, көр күңелле булыгыз. Укуыгызда, эшегездә зур уңышларга ирешегез!

Мәктәп администрациясе

          Бүген мәктәбебездә дәресләрдән соң “Халыкара туган тел көне” үткәрелде. 1 – 8 нче сыйныф укучылары 3 командага бүленеп, рус теле һәм татар телләреннән белемнәре буенча көч сынаштылар. Ярышта катнашучылар әкият яздылар, кызыклы сорауларга җавап бирделәр. 1 нче сыйныф укучылары татар халык биюен башкардылар, шигырьләр сөйләделәр, туган телгә мәдхия җырладылар. 4 – 8 нче сыйныфлар чуаш халык җырын башкардылар. Тарих укытучысы Григорьев А. С. керәшен халык киемнәрен күрсәтеп сөйләде, тел үзенчәлекләре турында мәгълүмат бирде, авылда яратып җырлана торган “Безнең ил” җырын башкарды. Татар теле һәм әдәбияты укытучысы Степанова М. Н. “Туган телем” җырын җырлады. Чара Г. Тукайның “Туган тел” җыры белән тәмамланды. Мероприятиене рус теле һәм әдәбияты укытучысы Ильина Е. И. алып барды.