Туган тел һәм әдәбияты атналыгының 5 нче көне, "Театр - яктылыкка, нурга илтә " дигән чара белән дәвам итте. Укучыларыбыз серле сәхнәдә әкиятләрдән , спектальләрдән өзекләр уйнап көч сынаштылар.1-2 нче сыйныфлар "Кем көчлерәк"( 3 нче урын) , 3-4 нче сыйныфлар "Үрдәк беренчелекне алган"(1 нче урын), 5 нче сыйныф"Ахмак куян"( 2 нче урын) әкиятләрен сәхнәләштерде. 7 нче сыйныф.Ш. Хөсәеновның  «Әни килде» драмасы ( 2 нче урын), 8 нче сыйныф Галиәсгар Камалның «Банкрот» комедиясе(2 нче урын),9нчы сыйныф Г.Камалның "Беренче театр” комедиясе( 1 нче урын), 10 сыйныф Туфан Миңнуллинның «Кулъяулык» пьесасы( 3 нче урын) , 11 нче сыйныф Туфан Миңнуллинның "Әлдермештән Әлмәндәр” пьесасынан (1 урын) өзекләр күрсәттеләр.

Театр укучыларны сихри дөньяга алып керә, аларның сәләтен ачарга ярдәм итә, сөйләм телен үстерә, актерлык осталыгына өйрәтә, эстетик һәм әхлакый тәрбия бирә.