Тирә- юньгә күз төшерик әле. Әй,  табигать! Синең саф сулы чишмәләрең,адашырлык урманнарың, биек- биек тауларың, рәхәтләнеп сулый торган чиста һаваң бар. Күктә кояш елмая,болытлар йөзә, үсемлекләр үсә, кошлар сайрый, хайваннар йөри. Болар барысы да табигать.Димәк, табигать- ул безнең йортыбыз. Ә без шул йортыбызны саклау өчен нәрсә эшлибез соң? Агач урманнарында, каен посадкаларында йөргәндә шаккатмалы хәлне күреп йөрәк әрни. Табигать анага килеп кунак булганнар, күңел ачканнар, үзләреннән соң калган пычракны ташлап качканнар.  Әнә шул пычрактан аз гына булса да арындыру максатыннан 9-11 нче сыйныф укучылары “ Табигатьне саклыйк һәм яклыйк!” акциясе үткәрде. Олыяз авылы башындагы каен посадкасыннан ике трактор арбасы чүп җыеп түгелде. Кичер безне җир ана!